Во петок, 24.07.2026 официјално започнува новата сезона во Првата македонска фудбалска лига. Екипата на штипска Брегалница, првото коло го игра во сабота, со почеток од 17:00 часот на националната арена “Тодор Проески” во Скопје против шампионот од минатата сезона, скопски Вардар.
Раководството на штипскиот прволигаш со ретро слика и текст го најави дербито, кое секогаш буди посебни емоции. Ривалитетот помеѓу Вардар и Брегалница датира многу одамна и дуелите помеѓу овие две екипи се секогаш повеќе од интересни.
Од таборот на штипските сини, после низа турбуленции, најавија дека во клубот потпишаа неколку прволигашки фудбалери, а костуот од минатата сезона остана. Во текот на периодот што следи, се очекуваат и неколку интернационални засилувања.
