Одбојкарскиот клуб Штип УГД, кој за прв пат лани ја освои двојната круна во првенството и купот, годинава премиерно ќе настапува во одбојкарската Лига на шампиони. Од клубот, со гордост известуваат дека штипјани за прв пат ќе имаат можност во својот град да гледаат натпревар од најсилното клубско европско натпреварување. Домаќин ќе биде ново изградениот спортски храм “Џексон”.
Одбојкарскиот клуб Штип УГД во првото коло за противник го доби атрактивниот холандски шампион Orion Stars. Во првиот меч штипјани гостуваат во Холандија (20-22.октомври), додека реваншот се игра во Џексон една недека подоцна.
Во известувањето од клубот стои и дека натпреварите од домашното првенство и купот ќе се играат во салата Јордан Мијалков во Штип, како и досега.
