Македонските фирми се пробиваат на пазарот на Дубаи- Дали Дубаи е новата златна можност за македонските извозници?
Дубаи сè повеќе станува центар на интерес за македонските бизниси. Само во текот на 2024 година, пет нови компании од Северна Македонија се приклучиле на Коморите на Дубаи, со што вкупниот број достигна 52. во однос на претходната година. Истовремено, трговската размена без нафтата меѓу двете земји достигна вредност од 52,2 милиони долари, што укажува на растечкиот економски потенцијал во ова партнерство.
Стопанската комора на Дубаи вчера беше домаќин на делегацијата од Македонија предводена од премиерот Христијан Мицкоски. Делегацијата на домаќинот беше предводена од претседателот на Коморите на Дубаи, Султан бин Саид ал Мансури. Двете страни разговараа за начините за унапредување на билатералните економски односи и ја потврдија нивната посветеност за зајакнување на соработката за зајакнување на меѓусебната трговија и инвестиции. Коморите на Дубаи е заеднички ентитет составен од три комори: за трговија, за дигиталниот свет и меѓународна комора.
Според соопштението на прес-службата на владата на Дубаи, трговијата без нафта меѓу Дубаи и Северна Македонија достигна вредност од 52,2 милиони долари во текот на 2024 година.
Во разговорите беше истакнато и зголеменото присуство на македонски компании во Дубаи. До крајот на 2024 година, бројот на македонски компании регистрирани како активни членки на Коморите на Дубаи достигна 47, што одразува годишна стапка на раст од 52 отсто. Дополнителни пет компании од Северна Македонија се приклучија на Коморите во првиот квартал од 2025 година, со што вкупниот број се искачи на 52, велат од прес-службата на Дубаи.
„Оваа посета означува важен чекор напред во нашата заедничка амбиција да ја подобриме економската соработка и да отвориме нови можности за деловните заедници на двата пазари. Посветени сме да го поддржиме успехот на македонските компании и да им овозможиме да се прошират на глобалните пазари користејќи ја стратешката локација на Дубаи, инфраструктурата од светска класа и опкружувањето поволно за инвестиции“, изјави Ал Мансури.
Според него, разговорите што се воделе ги истражувалеа инвестициските перспективи за бизнисите од приватниот сектор со седиште во Дубаи. Ова ќе им овозможи на компаниите од Дубаи да капитализираат од ветувачките можности во различни економски сектори, истовремено служејќи им на заедничките интереси на деловните заедници и во Дубаи и во Северна Македонија.
Дискусиите, според соопштението, се фокусирале на зголемување на билатералната трговија и инвестиции меѓу Дубаи и Северна Македонија, со посебен акцент на клучниот македонски извоз во Дубаи, вклучувајќи електроника, облека, возила, машини и овошје и зеленчук. Главниот извоз на Дубаи во Северна Македонија вклучува електроника, медицински инструменти, играчки и спортска опрема, вештачки влакна и парфеми и козметика.
