Team USA официјално објави дека раперот и светска музичка икона Snoop Dogg е назначен за прв Почесен тренер (Honorary Coach) на американскиот олимписки тим. Во својата волонтерска улога, Снуп ќе ги поддржува и мотивира американските спортисти надвор од спортските терени, носејќи ја својата препознатлива енергија, хумор и страст.
Неговата задача ќе биде да им даде дополнителен ветер во грб на спортистите на патот кон Зимските олимписки и параолимписки игри Милано-Кортина 2026, како и на сите идни натпреварувања на Team USA.
Од Team USA изјавуваат дека Снуп ќе придонесе со позитивна атмосфера, поддршка и инспирација, што, според нив, е подеднакво важно колку и самата физичка подготовка.
Со ова назначување, Снуп Дог станува дел од уште една историска олимписка приказна, носејќи уникатен дух кој спортистите и јавноста веќе го поздравуваат.
