Познатиот штипски гитарист и музичар Виктор Манев – Мана денес ни го презентираше остварувањето на неговата желба од најмали нозе – рачно да изработи своја гитара.
Виктор на оваа изработка посвети многу време, внимание, енергија и трпеливост. Резултатот – перфектен! Техниките кои ги користеше во иработката се резбање, гравирање и пирографија. Материјалите што ги користеше: за “телото” на инструментот употреби барен орев, стар повеќе од 25 години, додека за “вратот” на ова ремек дело користеше 30-годишен јавор. Магнетите се EMG David Gilmore DG20.
Погледнете го процесот на изработка во нашата мини галерија:
Инаку, Виктор е познат штипски изведувач кој настапува со многубројни локални и регионални поп-рок групи. Негов главен инструмент е гитарата, на која маестрално ја покажува својата виртуозност. Покрај музицирањето, Мана поседува специфичен вокал, кој никого не остава рамнодушен на неговите настапи.
