Офанзивна и долга градежна активност започна во штипската населба „Сењак“. Денес се започна со целосна реконструкција на улицата Џемај Биједиќ, која ќе биде комплетно асфалтирана и ќе бидат поставени нови тротоарски површини.
Градоначалникот Иван Јорданов најави дека комплетно се отвора сезоната на градежни активности, па општина Штип заедно со јавните претпријатија планираат “градежна пролет” во оваа населба. После оваа улица, на барање на граѓаните ќе се реконструираат улиците Дуго Село и Сајбие Демир.
