Музичка Фабрика е првиот национален културно-образовен музички проект за деца, чија мисија е да ја поддржи, развие и афирмира детската музичка креативност. Проектот создава платформа каде децата можат да пеат, творат и да ја истражуваат својата музичка страст, а целосниот процес се следи и преку телевизиски и дигитални формати на МРТ.
Во рамки на проектот, секое дете има можност да учествува во целосен креативен процес – од идеја до студиска работа и изведба на оригинални детски песни. Кулминација на секој циклус е голем ревијален настан во Македонскиот народен театар, каде младите таленти ги претставуваат своите композиции пред публика.
Проектот има за цел:
- Да се откријат и популаризираат нови детски таленти низ цела Македонија.
- Да се создадат 20 оригинални детски песни годишно, изведени и снимени професионално.
- Да се подигне свеста за важноста на музичкото образование кај децата.
- Да се овозможи бесплатен пристап до музичко образование и продукција за сите социјални слоеви.
- Да се развијат тимски вештини, креативно размислување и самодоверба кај учесниците.
Проектот не е натпревар и нема рангирање или победници – целта е секое дете да почувствува задоволство од музиката и да развие свои креативни способности.
Музичка Фабрика е наменета за деца од 6 до 13 години кои сакаат да пеат и да учат за музика. Искуство не е потребно – секој детски талент е добредојден!
Проектот ја нуди можноста за:
- Работа со професионални музичари и педагози.
- Создавање оригинални авторски композиции.
- Публична изведба и медиумско покривање на секоја песна.
Проектот се одвива во неколку фази:
- Аудициски караван низ четири градови: Скопје, Битола, Струмица и Тетово.
- Работни работилници со професионални музичари, композитори и текстописци.
- Снимање и продукција на оригинални детски песни.
- Голем ревијален настан во Македонскиот народен театар.
- Сите фази се целосно бесплатни за учесниците.
Аудициите ќе се одржат на следните термини:
- Струмица – 7 и 8 февруари 2026, Дом на култура
- Тетово – 14 и 15 февруари 2026, Дом на култура
- Скопје – 21 и 22 февруари 2026, Македонска Радио Телевизија
- Битола – 28 февруари и 1 март 2026, Дом на култура
Аудициите се од 11:00 до 18:00 часот. Секое дете ќе изведе една македонска песна по сопствен избор, а тимот на Музичка Фабрика ќе обезбеди инструментална верзија за аудицијата. Жири составено од професионални музичари ќе даде коментари во духот на забава, едукација и мотивација.
Критериуми за оценување:
- Музикалност и чувство за ритам
- Интонација и природна изразност
По аудициите избраните учесници продолжуваат со:
- Работни работилници – создавање оригинални песни со композитори и продуценти.
- Снимање во студио – професионално снимање на композициите.
- Ревијален настан – финален концерт во Македонскиот народен театар кон крајот на мај 2026.
Целиот процес ќе биде документиран со кратки емисии на МРТ, кои секоја недела ќе се емитуваат за пошироката публика.
За пријавување, проектот е отворен за деца на возраст од 6 до 13 години, а родител или законски старател треба да ја пополни онлајн пријавата. Не е потребно претходно музичко искуство, а учеството е целосно бесплатно. Потребни се согласност од родител или старател за учество и медиумска обработка, како и контакт телефон за понатамошна комуникација.
Музичка Фабрика е уникатна шанса за секое дете да научи, создава и се изразува преку музика, да биде дел од национален проект и да го доживее својот прв голем музички настап. Не пропуштајте ја можноста вашето дете да стане дел од оваа неверојатна музичка авантура!
