Викендов, поточно во недела, на 25/05/2025 во Штип ќе се одржи второто издание на популарниот собир и изложба на спортски автомобили и олдтајмери.
Настанот започнува во 10:00 часот, а посетителите и публиката ќе можат да уживаат во адреналин и убавина на повеќе од 200 возила од земјата и регионот. Манифестацијата оваа година ќе се одржи на потегот од кружниот тек кај “Дујле” до зградата на ЕВН долж булеварот.
На собирот, учесниците ќе се натпреваруваат во 12 категории, предвидени се и соодветни награди за најдобрите, а посетителите ќе можат да уживаат во одлична музика, храна и пијалоци.
