14.2 C
Shtip
spot_img

Уставниот суд поведе постапка за Методологијата за Пописот 2021

Уставниот суд со мнозинство гласови одлучи да поведе постапка за оспорените одредби од Методологијата за подготовка, организирање и спроведување на пописот на населението, домаќинствата и становите во Република Северна Македонија, 2021 година.

Како што соопштија од Судот, мнозинството судии оспорените одредби ги стави под сомнеж за нивната законитост а преку тоа и нивната уставност, бидејќи основано се појави сомнеж дали директорот на Државниот завод за статистика имал законски основ за донесување на оспорените одредби односно дали ги пречекорил своите овластувања и без законски основ во подзаконски акт уредувал (materia legis) законска материја.

Доколку во втората фаза, како што велат од Судот, се потврди сомнежот тоа би значело повреда на правната сигурност како фундаментален принцип на владеењето на правото и повреда на начелото на поделба на власта, бидејќи се ставил во улога на законодавец.

Подносителот на иницијативата Скендер Реџепи смета дека содржината на Методологијата има категории на населението за кои ќе се обезбедат податоци со пописот, односно категорија „вкупно резидентно население” и „вкупо нерезидентно население”, што не се предвидени во членот 6 став 1 алинеја 1, или пак со член 17 став 2 алинеја 1  од Законот за попис на населението не е предвидено директорот на Заводот за статистика да предвидува посебни категории.

Според подносителот со оспорените одредби се повредува владеењето на правото како темелна вредност на уставниот поредок и се создава правна несигурност.

Дополнително, подносителот во иницијативата наведува дека е повредена еднаквоста на граѓаните како уставно загарантирана со членот 9, бидејќи само поради фактот дека некој граѓанин не се наоѓа во државата додека се вршел Пописот, му се скратуваат одредени права, меѓу кои и правото на вработување.

━ повеќе содржини

Трамп: Бев малку саркастичен кога ветив крај на руско-украинската војна за 24 часа

Американскиот претседател Доналд Трамп изјави дека бил „малку саркастичен“ кога во текот на кампањата постојано тврдел дека војната меѓу Русија и Украина може да...

Денес игра КК “Соколи”

Денес, со почеток во 18:00 часот, во салата Јордан Мијалков во Штип се игра натпреварот од 18-то редовно коло од втората македонска кошаркарска лига...

Времето денеска ќе биде сончево и топло, во понеделник пороен дожд и грмежи

Времето денеска ќе биде сончево и топло со мала до умерена облачност, информира Управата за хидрометеоролошки работи. Ќе дува умерен, наместа засилен ветер од јужен...

ЕЛС ја носи во Македонија најголемата светска платформа за гардероба „Шеин“

Најголемата приватна пошта Еко Логистик Сервис (ЕЛС) на денешната средба со новинарите најави повеќе новини за идните проекти на компанијата. Освен доставата на пратките...

Фејсбук и Инстаграм добиваат систем кој ќе ги замени проверувачите на факти

Mета ќе започне со тестирање на Забелешките на заедницата (Community Notes) во САД од 18 март, користејќи технологија развиена од социјалната мрежа X, соопшти...
spot_img