На 17.Мај годинава е најавено третото издание на детската трка “Децата под Исарот”. И годинава, можат да се пријавуваат дечиња од 4 до 14 годишна возраст, а котизацијата изнесува симболични 400 денари. Секое дете ќе добие маичка, пакет производи од спонзорите и медал за завршување на трката.
Стартот е закажан за 10:00 часот, а тркачката траекторија ќе биде од гимназијата Славчо Стојменски до мостот кај градската црква. Учесниците ќе бидат поделени по возраст и ќе стартот на секоја трка ќе биде одделен. Обезбедни се награди за трите првопласирани од секоја возрасна трка.
Организаторот најавува дека трката има хуманитарен карактер и собраните средства ќе бидат донирани.
