Поранешниот телохранител на славните личности, Сајмон Њутн, откри какво било навистина да се работи како обезбедување на Мајкл Џексон – опишувајќи ја работата како „невозможна“.
Сеќавајќи се на еден инцидент кога избезумените обожаватели се обиделе да дојдат до Мајкл Џексон ползејќи му низ нозете на Сајмон, професионалецот за обезбедување признал дека тоа било „страшно“ за покојниот Мајкл.
„Работата со Џексон беше невозможна и постојана. Имавме обожаватели кои ги држеа такси возилата цел ден, само за да скокнат во нив штом Мајкл ќе ја напушташе локацијата – или возеа скутери за да нè следат.“ вели Сајмон во ексклузивно интервју за време на Канскиот филмски фестивал, пишува „Мирор“.
Тој додаде: „Тие дури се обидуваа да ни се протнат под нозете за да стигнат до него, тоа беше сосема ново ниво. Бевме поделени на четири автомобили, но тоа не ги спречи. Имаше толку многу негови луѓе околу себе па затоа не се чувствуваше толку исплашено, но го влечеа во сите правци, па затоа не му беше лесно.“
Сајмон работеше за Мајкл Џексон, а неговите поранешни клиенти се Бела Хадид, Џиџи Хадид, Рита Ора, Кендал Џенер и Халси – сите со кои тој лично се грижеше додека патуваа од САД до Велика Британија.
Иако ја напуштил работата како телохранител, Сајмон сè уште поседува сопствена компанија за обезбедување.
Сепак, денес Сајмон се обидува да влезе во светот на актерството и неодамна се врати на основата, се запишал на драмско училиште, кое го опишува како „пострашно“ од воените или работните места како телохранител што ги вршел претходно.
„Работев како телохранител и бев во Авганистан и Ирак доста време, што е, секако, опасно, но не беше толку страшно како школата за глума. Порано, излегувањето од мојата зона на удобност можеше да ме убие, но сега барем знам дека ништо нема да ми се случи. Не сум роден актер, но не сум ни најлошиот – и навистина уживам во тоа.“ вели тој.
Тој веќе има добар почеток – неодамна заврши со снимањето на својот нов филм „Одмазда“, кој треба да излезе во ноември оваа година. Сепак, поради неговиот физички изглед, тој вели дека често е ангажиран за улоги на „опасни момци“ – телохранители, полицајци, гангстери, боксери.
