Најдобриот дефанзивец на лигата Асобал, Ориол Реј Моралес, пристигнува на бреговите на Охридското Езеро по одличните сезони во дресот на Гранољерс, со кој ја освои вицешампионската титула оваа сезона зад клубот чии бои веќе ги носеше – големата Барселона од чија школа потекнува. Шпанецот, кој ќе ја комплетира дефанзивната формација на новиот тренер Борис Ројевиќ, ги помина последните пет сезони во Гранољерс, откако пристигна од Франција каде што го носеше дресот на Екс и Ница.
31-годишниот дефанзивец играше во Барселона до 2017 година.
„Возбуден сум што сум дел од еден нов неверојатен проект. Се надевам дека ќе ги постигнеме сите цели што ќе бидат поставени“, рече Реј во пораката до навивачите на Охрид.
Пред неколку дена, од страна на Охрид беше објавен трансферот на српскиот интернационалец, левиот бек Стефан Петриќ, кој пристигнува од скопски Вардар.
Пред него, договор со новиот член на „големата четворка“ на македонскиот ракомет потпишаа Тилен Стрмљан, Анте Иванковиќ, Предраг Вејин, Николас Лиапис…
Охрид на два натпревара до крајот на македонската Суперлига се бори да го задржи четвртото место, а има големо заостанување зад првите три.
