Фудбалскиот клуб Брегалница на големо се спрема и го очекува саботниот дуел против струмичка Беласица, кој според сите анализи е еден од најважните оваа сезона. Со евентуална победа, штипските сини ќе направат значителен исчекор кон осигурување на првата позиција на второлигашката табела која директно води во прва лига.
Натпреварот се игра на стадионот Младост во Струмица во сабота (02.05.2026) со почеток од 16:00 часот. После овој меч, на Брегалница и преостануваат за одигрување уште 3 кола, и тоа против Шкендија Арачиново во Штип, против Осогово во Кочани и последното коло против Победа во Штип.
