Освојувачите на двојната круна во машка одбојка, штипските одбојкари од ОК Штип УГД, денес беа на свечен прием кај градоначалникот на општина Штип Иван Јорданов и Ректорот на Универзтитетот Гоце Делчев проф. Д-р Дејан Мираковски.
И Ректорот и градоначалникот упатија низа пофални зборови за сезоната која одмина, за двојната круна, за европското деби и европската деби победа. Исто така, изразија желба и уверување дека и во периодот што следи, тие посветено ќе ги следат игрите на штипските шампиони, и секако финансиски ќе ги помагаат како и досега.
Ректорот најави и низа поволности за сите чинители во клубот кои се студенти на Универзитетот Гоце Делчев, додека градоначалникот го потврди досега најавуваното, дека новата сала “Џексон” ќе биде нов дом на одбојкарите на Штип УГД.
