На денешниот натпревар од 21.коло во втората Македонска фудбалска лига екипите на ФК Брегалница и ФК Скопје оддадоа почит кон настраданите во трагедијата во Кочани. Тренинг маиците на двете екипи и судиите беа со ликовите на петтемина Штипјани загинати во несреќата.
Пред почетниот свиреж од судијата, маиците беа подарени на присутната публика. Играчите истакнаа и транспарент во знак на солидарност на загинатите.
Пред почетокот на натпреварот, управите и играчите на двете екипи донираа парични средства за настраданите. Кон хуманитарната акција се приклучи и судиската четворка и публиката на Градски. Беа собрани средства со вкупна вредност од 24.360 денари и истите утре ќе бидат уплатени на солидарната сметка на Црвениот Крст наменета за настраданите.
Сите актери на теренот денес покажаа дека фудбалот е повеќе од игра. Инаку, натпреварот заврши со резултат 1:1, а голот за домаќините го постигна Благој Хаџи Кимов во 71-та минута.
