Репрезентативниот примач и еден од најдобрите македонски одбојкари Александар Љафтов е нов член на Штип УГД !!!
Љафтов е роден во Струмица на 15.август 1990 год и е еден од носителите на македонската одбојкарска репрезентација повеќе од 15 години. Во својата енормно богата кариера, тој има настапувано за: Работнички Фершпед , Galatasaray (Тур), Ribnica Valjevo (Срб), Anagennisi Deryneias VC (Кип), South Gas Sporting (Еги), PTT Spor (Тур), Mladost Ribola Kaštela (Хрв), Hebar Pazardzhik (Буг), Consar RCM Ravenna (Ита), Al Ibtisam (С.А), Al-Wasl VC (УАЕ), Струмица, PAOK Thessaloniki (Грц), MÁV Előre Foxconn (Унг) и Burgan Sport Club (Кув).
Александар Љафтов беше една од главните алки на репрезентацијата, која настапи на Европските првенства 2019, 2021 и 2023 година, а со националниот тим има освоено: сребрен медал – European League 2015, сребрен медал – European League 2016, сребрен медал – European League 2017 и сребрен медал – European Silver League 2021.
Му посакуваме топло добредојде во Штип, добро здравје, многу трофеи и успеси на домашен и меѓународен план.
