Во тек е изградбата на трите парка во Општина Штип, кои се дел од проектот трансформирање на урбаните средини во зелена инфраструктура. Штип денес беше домаќин на прекугранична обука со претставници од општините Штип и Гоце Делчев, насочена кон креирање заедничка 10-годишна стратегија за зелена инфраструктура. Обуката е дел од проект за прекугранична соработка меѓу Македонија и Бугарија, а на неа присуствуваат и претставници од јавниот сектор, невладини организации и јавни претпријатија. Целта е да се постави цврста методологија и визија за зелен развој, која ќе ги поврзе двата града рече директорот на источно плански регион Трајче Здравков.
,,Со меѓуграничната соработка помеѓу Р. Бугарија, општината Гоце Делчев и Општина Штип денес ќе се одржи една обука во рамките на проектот, каде што претставници на општините, невладиниот сектор и јавните претпријатија ќе имаат можност во рамките на овој проект да добијат информации за 10 годипната стратегија, која што треба да ја изработиме помегу двете општини. Целта на оваа обука е да се воспостави една методологија за зелена инфраструктура, која штои подоцна ќе прерасне во еден регионален 10 годишен документ како треба да се развиваат двете општини во поглед на зелената инфраструктура. Во рамките на Општина Штип веќе се започнати и изградбите на парковите, кои се дел од проектот, едниот е кај пешачќката патека во 8 ми ноември, додека другиот парк е кај медицинското училиште во градот.“, рече Здравков
Целта е што повеќе зелени површини во градовите, рече Здравков, додавајќи дека од овие работилници произлегуваат ваквите идеи.
Инаку сумата за целиот проект и во двете општини Штип и Гоце Делчев изнесува 860 000 евра, каде што се предвидени паркови, зелени површини, како и низа на обуки и работилни за креирање на решенија.
