29.4 C
Shtip
spot_img

Силно невреме на Миконос!

Драматични видеа, објавени на социјалните мрежи, сведочат како надојдените води ги поплавуваат улиците и влечат паркирани автомобили со себе. За среќа, според надлежните, нема настрадани лица

Силно невреме со пороен дожд денеска попладне ги зафати Кикладите (група острови) во Егејското море, а најпогодени се островите Парос и Миконос каде улиците се претворија во реки од предизвиканите поплави, јави МИА од Атина.  

Поради последиците од невремето надлежните власти испратиле пораки до жителите и посетителите на осторовите со кои ги информирале дека е забранет сообраќајот за сите возила, освен за оние за итни случаи.  

Надлежните на Парос и Миконос, соопштиле дека утре училиштат и на двата острови ќе останат затворени.  

Драматични видеа, објавени на социјалните мрежи, сведочат како надојдените води ги поплавуваат улиците и влечат паркирани автомобили со себе.  

Градоначалникот на Парос, Костас Бизас за грчката телевизија ЕРТ рекол дека невремето започнало околу 15 часот и предизвикало проблеми на повеќе патни мрежи, а најпогоден е градот Науса каде што се излеала реката.  

За среќа, како што посочил, нема повредени лица. 

Од бројот за итни случаи – 112 била испратена порака со која ги повикале жителите и посетителите на Парос „поради опасните временски појави што го зафатија островот, како и големите штети што се предизвикани на патната мрежа, да не се сообраќаат по патната мрежа“. 

„Оштетувањата на патната мрежа опфаќаат одрони, поплави и уривања на делови од мрежата, што го прави сообраќајот опасен. Општината во соработка со надлежните служби прави максимални напори за справување со вонредната состојба. Се молат сите жители и посетители на островот да ги следат упатствата на надлежните органи“,соопштиле од општината, а кусо подоцна преку ново соопштение информирале и дека сите училишта на островот ќе останат затворени. 

Пораки да останат во своите домови додека трае невремето, како и информација за училиштата била испратена и до жителите на Миконос.  

━ повеќе содржини

Трамп го смени рецептот на Кока Кола, компанијата се согласи

Американскиот претседател Доналд Трамп изјави во средата дека Кока-Кола се согласила да користи „вистински шеќер од трска“ како засладувач во своите пијалоци што се...

МЕЃУ ШТИП, РАДОВИШ И КАРБИНЦИ ПОЧНА ДА СЕ ГРАДИ НАЈГОЛЕМИОТ ВЕТЕРЕН ПАРК НА БАЛКАНОТ, ИНВЕСТИЦИЈАТА Е ВРЕДНА 500 МИЛИОНИ ДОЛАРИ

Најголемиот ветерен парк на Балканот почна да се гради меѓу општините Штип, Радовиш и Карбинци на површина од 330 хектари, претежно на територијата на...

Кои се 5-те најпознати народи без држава, знаме и националност?

Во светот постојат стотици етнички групи, но не секоја од нив има сопствена национална држава. Некои народи, иако бројни и богати со култура и...

Кој всушност е новиот дечко на Јелена Карлеуша?

Јелена Карлеуша неодамна конечно ја призна својата врска со младиот кошаркар Никола Јовановиќ. Иако со месеци се шпекулираше за нивната врска, малкумина ги знаат деталите...

Пожар предизвикан од плински уред во текот на вчерашниот ден во Штип

Во текот на вчерашниот ден, во 14:30 часот во СВР Штип било пријавено дека од плински шпорет настанал пожар во куќата сопственост на Е.Л....
spot_img