Утре ќе има големо славје во градот под Исарот, одбојкарите на Штип УГД се на чекор од историска шампионска титула, во спортската сала „Јордан Мијалков“ повеќе од јасно е дека ќе биде исполнето секое столче со верните навивачи и љубители на одбојката.
Утре, петок со почеток од 19 часот се игра третиот меч од финалната серија, кој меч ако го добијат штипјани ќе ја освојат шампионската титула.
Штип УГД има водство од 2-0 во финалната серија, а со триумф на третиот меч ќе биде испишана голема историја не само за одбојкарскиот клуб Штип УГД туку и за колективниот спорт во градот под Исарот, бидејќи Штип УГД ќе биде првиот тим кој ги обединил двете титули – шампионската и Куп титулата.
Дефинитивно резултатски ако се гледа Штип УГД станува најуспешниот клуб во градот, кој покрај обединувањето на двете титули, оваа сезона за првпат излезе и во Европа каде исто така имаше и европска победа над норвешкиот Кол Ил.
Со добивањето и на спортскиот центар „Џексон“ одбојкарките ќе имаат нов современ дом каде ќе може да ги играат и европските натпревари пред својата верна публика, а тоа е потврда уште еднаш дека започнува доминацијата на штипјани во македонската одбојка, откако беше запрена доминацијата на струмичани.
Штип се подготвува за големо историско славје, тимот на Кристиан Ристески веќе утре може да ја испише големата клупска историја, само една победа во која повеќе од јасно е и дека ќе се случи, штипјани се фаворити, а на претходните два натпревари ја потврдија и оправдаат фаворитската улога со убедливи победи.
