Телевизискиот водител Огњен Амиџиќ по третпат стана татко. Со сопругата Мина ја доби ќерката Лола, име кое родителите заеднички го избраа. За брачната двојка ова е второ заедничко дете.
Претходно го добија синот Перун, додека Огњен од претходниот брак има уште еден син – Матија.
По повод раѓањето на Лола, Амиџиќ вчеравечер организирал гала прослава во еден елитен белградски локал. Меѓу првите гости пристигнал Ѓовани Бајрамовиќ, познат како кралот на ромските веселби, во придружба на својата избраничка.
На прославата присуствувале и Анѓела Игњатовиќ – Бресквица, Бојана Лазиќ, Ацо Пејовиќ, Драгомир Деспиќ – Десингерица со сопругата Невена, како и Милица и Марко Кон, кои на водителот му подариле косилка како необичен подарок. Меѓу гостите биле и Надежда Билјиќ, Душица Јаковљевиќ и многу други јавни личности.
Да потсетиме, Огњен го доби синот Матија во бракот со манекенката Данијела Димитровска, која деновиве се омажи за Јеврем Косниќ.
Таа судбоносното „да“ го изговори во кругот на најблиските, во црква, додека големата свадбена прослава, според најавите, е планирана за следната година.
