На натпреварот од бразилската Серија Би помеѓу Пајсанду и Атлечику, голманот на гостите Микаел задржуваше време на крајот од натпреварот и ја држеше топката 13 секунди, поради што судијата досуди корнер за домашниот тим.
Тоа предизвика неверување кај фудбалерите на двата тима, а пред сѐ на лицето на голманот Микаел, што може да се види на видеото во прилог на текстот.
Сето ова се случи кога гостите водеа со 2:1 на крајот од мечот, а задржувањето на топката од Микаел им помогна на гостите да дојдат до три бода без разлика на досудениот корнер против нив.
За потсетување, ова е правило според кое голманот не смее да ја држи топката во рака повеќе од 8 секунди, а доколку тоа се случи тимот ќе биде казнет, односно на ривалот ќе му биде досуден корнер.
Според новото правило, голманот наместо 6, ќе може да ја држи топката 8 секунди, но судијата ќе ги брои секундите.
По истекот на првите 3 секунди, судијата ќе биде должен да ја крене раката и да ги изброи последните 5 секунди со прстите.
Ако голманот не ја испушти топката од рацете, судијата ќе ја додели топката во корист на противничкиот тим, односно корнер, што се случи во наведениот пример.
