18.1 C
Shtip
spot_img

„Ми иде да плачам ко дете“, навивачите во еден глас за Кочани: Потези за поздрав и солзи на мечот Вардар – Црвена Ѕвезда во Скопје

Солзи и болка, но и полно срце заради солидарноста и хуманоста… Точно еден месец по трагичната несреќа во Кочани, Вардар и Црвена Ѕвезда одиграа хуманитарен фудбалски меч – стадионот во Скопје одекнуваше „Кочани“, на трибините имаше пораки за благодарност на сите јазици на земјите кои ни помогнаа, фудбалерите од двата клуба беа во црни маици со натпис „Кочани“, а стиховите од „Тешкото“ ги исполнија трибините.

mi-ide-da-placham-ko-dete-publikata-vo-eden-glas-za-kochani-potezi-za-pozdrav-i-solzi-na-mechot-vardar-crvena-dzvezda-vo-skopje-01.jpg

На 16 април 2025, еден месец по трагичната несреќа во дискотеката во Кочани, каде животот го загубија 61 лице, се одржа хуманитарен фудбалски меч на Националната Арена „Тодор Проески“.

Фудбалерите на Црвена Ѕвезда и Вардар играа од срце на стадионот во Скопје, а сите средства од продажбата на картите ќе бидат донирани на семејствата на настраданите.

Играчите од двата тима кои важат за вечни ривали, на теренот излегоа во црни маици со натпис „Кочани“, а од трибините од 25.000 грла на цел глас одекнуваше „Кочани“, иако на моменти тишината грмеше погласно од сите навивачи заедно. 

Комитите држеа транспаренти со натпис „Ви благодариме“ на повеќе различни јазици, со кои упатија благодарност до сите земји кои со широко срце веднаш помогнаа и примија на лекување повеќе пациенти кои беа повредени во пожарот.

Низ цела трибина имаше и огромно платно на кое беа испишани стиховите на Блаже Конески од „Тешкото“: „…И зошто ми иде да плачам ко дете, да превијам раце, да прекријам лик“.

mi-ide-da-placham-ko-dete-navivachite-vo-eden-glas-za-kochani-potezi-za-pozdrav-i-solzi-na-mechot-vardar-crvena-dzvezda-vo-skopje-02.jpg

На мечот, Црвена Ѕвезда победи со резултат 3:1, но ова не беше само фудбал, туку многу повеќе емоција, пријателство, солидарност и хуманост, што полни душа и засекогаш ќе остане врежан како спомен за почитта која се оддаде кон жртвите. 

Единствениот гол за Вардар, го даде штипјанецот Михаил Маневски, а го посвети на Андреј Лазаров, фудбалерот на Шкупи, кој прерано го загуби својот живот во обид да спаси други во пожарот.

━ повеќе содржини

EMIGRANTI на штипјанецот Влатко Јакимов во нов сингл!

Хип-Хоп групацијата во Лондон, предводена од штипскиот музички артист Влатко Јакимов вчера го објави својот нов сингл "Татко и син" во кој Влатко настапува...

ГКК Штип се засили со бек од Соединетите Американски Држави

Новиот член на најдобрата македонска кошаркарска конкуренција ГКК Штип ги засили своите редови со бек од Соединетите Американски Држави. Се работи за 24-годишниот Лангстон Лав...

Штипјанката Ива Колева со историски деби настап во сениорската репрезентација

Историски момент за штипската кошарка! Седумнаесетгодишната Ива Колева стана првата штипјанка која добила повик во сениорската женска кошаркарска репрезентација на Македонија, испишувајќи нова страница...

Професорката на УГД Јаневиќ-Ивановска одликувана со орден во Франција

Професорката Емилија Јаневиќ-Ивановска, која предава на студиската програма по фармација на Универзитетот „Гоце Делчев“ во Штип, доби значајно француско признание за својата академска и...

Вечерва: Традиционална ноќна трка по повод Денот на ослободувањето на Штип

Штип вечерва повторно ќе биде во знакот на спортот, традицијата и одбележувањето на еден од најзначајните датуми во историјата на градот. По повод 8...
spot_img