Утре (четврток) во спортската сала „Наум Наумовски – Борче“ во Скопје, ќе се одигра натпреварот за трето место и финалето во Втората кошаркарска лига на Македонија.
Штипски Соколи против вториот тим на МЗТ Скопје ќе се соочи во натпреварот за трето место. Соколи во полуфиналето загуби од Ангели со 2-1 во полуфиналната серија, а пак вториот тим на МЗТ Скопје загуби со 2-0 во полуфиналната серија од Маџари.
Натпреварот за трето место меѓу Соколи и вториот тим на МЗТ Скопје ќе започне во 17:30 часот.
Во големото финале ќе се соочат Маџари и Ангели, двете екипи кои изборија влез во Првата кошаркарска лига на Македонија. Маџари ќе биде дебитант во кошаркарската елита на Македонија, додека пак екипата на Ангели по неколку сезони се враќа во Првата кошаркарска лига.
Финалето кое ќе одлучи кој ќе биде шампион во Втората кошаркарска лига ќе започне во 20 часот и се игра исто така во спортската сала „Наум Наумовски – Борче“ во Скопје.
