Златен медал за Македонија освои Алексиј Тасиќ, а сребрен – Дамјан Давков на 66. Интернационална олимпијада по математика што се одржува во Саншајн Коуст, Квинсленд во Австралија. Ова е прво злато за Тасиќ, а вкупно трето за Македонија на светската математичка олимпијада. Пофалници освоија Ивано Божиновски, Леонид Тодороски и Марко Серафимовски. На олимпијадата успешно се претстави и Бранко Јангеловски.
Македонското учество на олимпијадата го организира Сојузот на математичари на Македонија. Нашата репрезентација ја водеа менторите Илија Јовчески од Институтот за математика при Природно-математичкиот факултет во Скопје и Мирко Петрушевски од Машинскиот факултет во Скопје.
