Онкологот од Вашингтон, Никола Ендрус, наведе пет намирници што не ги препорачува во исхраната – првенствено поради општото здравје и потенцијалните долгорочни здравствени ризици.
Ендрус вели дека апстиненцијата од алкохол е корисна за здравјето. Според Центрите за контрола и превенција на болести, телото го разградува алкохолот во хемиското соединение ацеталдехид, кое може да ја оштети ДНК-та и да ја попречува способноста на телото да ја поправи штетата.
Преработено месо
Таа избегнува месни деликатеси, виршли, салами и други месни преработки. Светската здравствена организација го прогласи преработеното месо за канцерогено уште во 2015 година, истакнувајќи дека постојат „доволни докази од епидемиолошките студии дека консумирањето преработено месо предизвикува рак“.
Газирани пијалаци
Газираните пијалаци не се препорачуваат поради нивната висока содржина на шеќер, но ниту диеталните опции не се подобар избор, бидејќи тие често содржат вештачки засладувачи. Исто така е докажано дека консумирањето на шеќерни или вештачки засладени пијалаци го зголемува ризикот од срцеви заболувања.
Кофеински пијалаци
Кафето има многу здравствени придобивки. Умереното консумирање кафе може да го намали ризикот од дијабетес, мозочен удар и срцеви заболувања. Сепак, тие придобивки се губат кога кафето се претвора во десерт. Ендрус препорачува неколку клучни промени ако сте љубител на засладени верзии: „Обожавам ладно или пенесто кафе во лето, но тоа лесно може да стане калорична бомба“, вели таа.
Млека од растителна основа
И покрај популарноста на алтернативите на растителна основа, оваа докторка избира производи од полномасно млеко богати со хранливи материи. „Не пијам млека од растително потекло бидејќи имаат многу малку хранливи материи“, објаснува таа. Нејзиниот став е поддржан од други експерти, кои предупредуваат дека билни алтернативи не се секогаш нутритивно еднакви на животинските производи. Соединенијата присутни во млечните производи како што се млекото, сирењето, путерот и јогуртот ги активираат Т-клетките кои му помагаат на имунолошкиот систем да се бори против бактериите и туморите и да обезбеди заштита од болести.
