Се чини дека на фудбалски план во Штип полека, но сигурно коцките се сложуваат и се си доаѓа на место. Се консолидираат односите помеѓу навивачката група Ултра Банда и раководството на фудбалскиот клуб Брегалница. Навивачите ја даваат својата поддршка за своите фудбалски миленици, а денес и официјално клубот им се заблагодари на своите навивачи. Еве ја во целост изјавата од ФК Брегалница:
“ФК Брегалница упатува благодарност до публиката на денешниот натпревар со посебен акцент на навивачката група “Ултра Банда”, која цели 90 минути беше ветар во грб на нашите играчи. Посакуваме и искрено се надеваме дека во натпреварите што следат “Градски” ќе биде исполнет до последното место и со поддршка од трибините заедно ќе ја оствариме зацртаната цел!”
