Фудбалскиот стадион „Сантијаго Бернабеу“ во Мадрид, домот на Реал Мадрид, би можел да биде местото каде ќе се одигра натпреварот за отворање на Европското првенство во ракомет во 2028 година.
Ова го потврди претседателот на Ракометната федерација на Шпанија, Франсиско Беласкез.
Стадионот „Сантијаго Бернабеу“ има капацитет од околу 80.000 гледачи. Актуелниот рекорд на посетеност за ракометен натпревар е поставен на отворањето на ЕП 2024 во Диселдорф, каде мечот го следеа 53.000 гледачи.
Европското првенство во ракомет 2028 ќе се одржи од 13 до 30 јануари 2028 година во три земји, Шпанија, Португалија и Швајцарија.
