Граѓаните и посетителите на град Штип од сега ќе можат бесплатно да користат јавен Wi-Fi интернет на две локации – Парк К’ртеќе и Дино Парк.
Општина Штип информира дека бесплатната интернет мрежа е поставена во рамки на иницијативата WiFi4WB, која е финансирана од Европската Унија и Владата на Сојузна Република Германија, а се реализира преку GIZ како дел од проектот EU4Digital.
Со воведувањето на бесплатниот јавен интернет, граѓаните ќе добијат полесен и побрз пристап до дигитални услуги, информации и комуникација во јавните простори, додека посетителите ќе можат непречено да користат интернет за време на престојот во градот.
Проектот е дел од пошироките активности за дигитализација и подобрување на јавната инфраструктура во локалните заедници.
