Инфлуенсерката Нина Ред не успеа да пристигне на престижната модна манифестација Штип модни денови поради неочекуван проблем на патот.
Како што самата сподели на социјалните мрежи, нејзиниот автомобил откажал само 15 минути пред да стигне во Штип, што целосно и ги нарушило плановите за појавување на настанот.
„Не ми се даде да стигнам луѓееее, што ќе беше ова… Откажа колата на 15 минути од Штип, али аутфитот никако не смее да трпи хаха“, напиша таа со доза хумор, и покрај непријатната ситуација.
Сепак, Нина откри дека била пријатно изненадена од реакцијата на луѓето кои веднаш застанале да помогнат. „Ме изненади колку луѓе дотрчаа да помогнат. Бидете добри луѓе, вака ќе ви се враќа со добрина. Важно живи и здрави сме!“, додаде таа.
Иако не стигна на модните денови, инфлуенсерката испрати позитивна порака до своите следбеници, потенцирајќи дека во вакви моменти најважно е здравјето и човечноста.
