Државниот завод за статистика објави дека просечната месечна исплатена нето-плата по вработен во март 2025 година изнесува 44 763 денари, што претставува пораст од 10,5 % во споредба со истиот месец претходната година.
Според ДЗС, ова покачување првенствено се должи на зголемувањето на просечната месечна исплатена нето-плата по вработен во следните области: Образование за 15,8 %, Рударство и вадење на камен за 14,1 % и Административни и помошни услужни дејности за 12,5 %.
Забележано е и зголемување на просечната месечна исплатена нето-плата по вработен во однос на претходниот месец, и тоа во секторите: Рударство и вадење на камен за 12,3 %, Уметност, забава и рекреација за 6,8 % и Преработувачка индустрија за 6,4 %.
Просечната месечна исплатена бруто-плата по вработен во март 2025 година изнесува 67 240 денари.
