Во централното градско подрачје на Штип, на местото на некогашното текстилно училиште, ќе се изгради нов дневен центар за рехабилитација на лица со попречености. Целта е да им се помогне во развојот на работни вештини и нивно вклучување на пазарот на труд.
За изградбата се обезбедени над 10 милиони денари, со дополнително 15% кофинансирање од Општина Штип. Во тек е подготовка на тендерската постапка, а центарот ќе има капацитет за 24 деца.
Ова ќе биде прв ваков центар во државата, а покрај опремата, фокусот ќе биде ставен на програмата за работа. Претставници на родителите, општината, владата и бизнис-секторот заеднички ќе работат на развој на соодветни програми за професионална ангажираност на децата.
Родителите ја поздравуваат иницијативата, нагласувајќи дека нивниот глас конечно е слушнат и дека ова е важен чекор кон подобрување на условите за нивните деца.
