10.6 C
Shtip
spot_img

ПОЧНА СНИМАЊЕТО НА НОВИОТ МАКЕДОНСКИ ФИЛМ „ПОТСТАНАР“

Режисерот Марко Ѓоковиќ на 15 јуни почна со снимањето на својот дебитантски долгометражен филм со работен наслов  „Потстанар“.  Продукцијата е на „Сектор филм“, а сценаристи се Ѓоковиќ и Симеон Венциславов од Бугарија. Филмот ќе се снима на повеќе локации низ Скопје во текот на наредниот месец.

„Потстанар“ е копродукција со „Мир Медиа Груп“ и „Ливинг Пикчрс“ од Србија, како и со „Парангал филм“ од Црна Гора, со поддршка од Агенцијата за филм на Македонија, Филмскиот центар на Србија и Филмскиот центар на Црна Гора.

Во 2021, „Потстанар“ беше поддржан со 23.5 милиони денари (околу 380.000 евра) на конкурсот на Агенцијата за филм.

Македонските продуценти Владимир Анастасов и Ангела Несторовска велат дека „Потстанар“ е психолошка драма инспирирана од драмскиот текст „Владимир“ на словенечкиот автор Матјаж Жупанчиќ. Приказната ги следи тројцата пријатели чиј заеднички живот добива неочекуван пресврт кога зад шармантната фасада на нивниот нов цимер започнува да се открива неговата вистинска, манипулативна природа. Во ограничениот простор на заедничкото живеалиште, борбата за лична слобода станува неизвесна.

Главните улоги ги играат младите актери Ана Јовановска, Илија Волчевски и Хакан Даци, како и Албан Укај од БиХ кој се прослави со  улогата на Сокол во филмот „Тишината на Лорна“ на  браќата Дарден. Во останатите улоги се Николина Кујача, Камка Тоциновски, Софија Куновска, Борис Дамовски, Адем Карага, Стефанија Начевска, Мина Јелушиќ, Лазар Христов, Бранко Атанасов и Матеа Јанковска.

Директор на фотографија е  Александар Крстевски, сценограф е Сашо Блажевски, костимите се на Розе Трајческа, шминката на Снежана Ангеловска-Живковска, снимател на звук e Дејан Михајловски, а кастинг директорка Милка Анчевска

Копродуценти се Александар Протиќ, Димче Стојановски, Стефан Орландиќ Стојановски (од Србија) и Маја Кецојевиќ (од Црна Гора)

Режисерот Марко Ѓоковиќ е роден во Скопје во 1984. За време на средношколските денови бил вклучен во неколку филмски продукции. Во 2004 се запишал на Европскиот филмски Колеџ во Данска на отсекот за режија, а дипломирал во 2013 на Факултетот за драмски уметности (ФДУ) во Скопје, на отсекот филмска и ТВ-режија, во класата на проф. Столе Попов. Зад себе има неколку наградувани кратки филма, меѓу кои „Еклер“ (2016), „Луѓе без земја“ (2011) и „Синот“ (2013), прикажани на повеќе филмски фестивали во светот.

━ повеќе содржини

EMIGRANTI на штипјанецот Влатко Јакимов во нов сингл!

Хип-Хоп групацијата во Лондон, предводена од штипскиот музички артист Влатко Јакимов вчера го објави својот нов сингл "Татко и син" во кој Влатко настапува...

ГКК Штип се засили со бек од Соединетите Американски Држави

Новиот член на најдобрата македонска кошаркарска конкуренција ГКК Штип ги засили своите редови со бек од Соединетите Американски Држави. Се работи за 24-годишниот Лангстон Лав...

Штипјанката Ива Колева со историски деби настап во сениорската репрезентација

Историски момент за штипската кошарка! Седумнаесетгодишната Ива Колева стана првата штипјанка која добила повик во сениорската женска кошаркарска репрезентација на Македонија, испишувајќи нова страница...

Професорката на УГД Јаневиќ-Ивановска одликувана со орден во Франција

Професорката Емилија Јаневиќ-Ивановска, која предава на студиската програма по фармација на Универзитетот „Гоце Делчев“ во Штип, доби значајно француско признание за својата академска и...

Вечерва: Традиционална ноќна трка по повод Денот на ослободувањето на Штип

Штип вечерва повторно ќе биде во знакот на спортот, традицијата и одбележувањето на еден од најзначајните датуми во историјата на градот. По повод 8...
spot_img