Со едноминутен молк и положување свежо цвеќе , денеска граѓаните на Штип, политички партии, делегации и боречки организации оддадоа почит пред спомен бистата на хероината Вера Циривири Трена.
На денешен ден, пред точно 81 година, во текот на Втората светска војна, Вера беше убиена од страна на фашистичките окупатори. Сеќавањата за нејзе се уште болни за граѓаните.
,,Денес 15 јули се навршуваат 81 година од загинувањето на херојот Вера Циривири Трена во Штип. На еден топол јулски ден фашистичка Бугарија извршија убиство на хероината. Со запрежна кола ја земаа и однесоа позади Исарот кај кланицата и ја покрија со гранки и лисја. Денес пред споменикот на Вера Циривири ќе положиме свежо цвеќе“, велат од здруженито на борци Штип
Директорката на оваа градинка Ивана Ангеличкова, истака дека е посебна чест што нивната градинка го носи името токму на оваа хероина, која што млада несебично го дала животот за слободна Македонија
Честа е наша што ДГ Вера Циривири Трена, го носи името на оваа хероина, која што млада несебично го дала животот за слободна Македонија. Слобода во која што ние згрижуваме генерации, генерации, кои што излегоа од нашата градинка. Нејзината пожртвуваност и храброст е нашиот мотив за работа за да опстоиме и опстојуваме веќе 60 години.“, рече Ангеличкова
Инаку, настанот се одржа во дворот на ДГ Вера Циривири Трена, каде се наоѓа и самата спомен биста, а истиот беше придружен и со мини приредба на дечињата од оваа градинка.
