16.9 C
Shtip
spot_img

Во сендвичара “Седмица” лани „изедени“ 4,9 милиони евра!

Не примаат онлајн нарачки. Не вршат достава. За плаќање, картички – не, само кеш. Старомодни се, но тоа не им пречи на фановите на „Седмица“. Работат турбо неколкуте сендвичари и ресторанот во Скопје. Толку добро, што лани биле продадени разни видови сендвичи, тостови, со или без додатоци, пирошки, пијачки… за 4,9 милиони евра. Навистина, за сто илјади евра помалку од преклани.

Но затоа, две години по ред профитот е над милион евра. Во 2024 – еден милион и 67 илјади евра. За 2023 добивката е послаба за 24 илјади евра.

Од податоците на Бизнис мрежа се гледа дека до плусот кај добивката за минатата година е дојдено преку двата минуси што се обележје и на приходната и на расходната страна. Вкупните лански приходи на „7 Фаст фуд“ се за 2,64 проценти пониски од прекланските. Сепак, делотворно е дејството на намалените трошоци за 3,94 отсто. Тоа е и основата за растот на профитот.

Кој се храни во сендвичарите „Седмица“ знае дека е потребно да се застане во ред и да се почека додека се пристапи и да се порача. Исто така, не може да не се забележи дека вработените се брзи и добро воиграни.

Минатата година тимот броел 93 вработени. За 2,11 проценти помалку во однос на 2023, кога за да биде сѐ во ред во „Седмица“ се грижеле 95 лица. Со помалку персонал, кој броел 86 лица, познатата сендвичара функционирала во 2022 година.

Кога е „Седмица“ во прашање, за цените не се прашува и не се коментира (што се гледа и од прометот). Сендвичот со плескавица е 210 денари. Хамбургерот – највкусниот во градот со помфрит, кечап и мајонез (како што пишува во нивното мени), чини 250 денари, сендвичот со пилешко и кашкавал 290 денари, а најскап е „биг мек“ – 300 денари.

Тоа е „Седмица“. Сендвичарата именувана по датумот на септемврискиот ден во 1987 година, кога биле направени и продадени првите сендвичи со плескавица. И по кои, без оглед на големата понуда, овој бренд за брза храна е препознатлив речиси 38 години.

━ повеќе содржини

Отворен е Shtip Street Food Festival, денес и утре шеталиштето Ванчо Прке ќе биде епицентарот на храната и забавата

Официјално започна долгоочекуваниот „Shtip Street Food Festival“ на новото шеталиште во Штип. Од 12 часот, сите штандови беа подготвени да понудат богат избор на...

СОНЦЕ, МОРЕ И ЗАШТЕДИ: Топ 5 Најевтини Дестинации за Македонци – Лето 2025

Летото 2025 тропа на врата, а со него и желбата за бегство од секојдневието! Но, што ако ви кажеме дека не мора да потрошите...

ДАЛИ ЗНАЕВТЕ ДЕКА ПОСТОЕШЕ ПРОДОЛЖЕН “СТОЈАДИН“ со шест тркала

Застава 101, популарниот „кец“ или „стојадин“, како што со љубов го нарекувавме, многумина го сметаат за најдобриот автомобил произведен во СФРЈ. Ако не е најдобар,...

ЗЕМЈАТА ЈА ОЧЕКУВА НАЈГОЛЕМАТА СОЛАРНА БУРА во последните 14.300 години, предупредува науката

Огромен космички настан од пред околу 14.300 години бил толку моќен што оставил забележлив белег на нашата планета. Во делумно фосилизираните стебла на древни дрвја и ископаните јадра од милениумски...

Општина Штип денеска спроведува дезинсекција и дератизација против комарци и стаорци

Денес, Општина Штип ќе спроведе втора ларвицидна дезинсекција на својата територија! Третирањето ќе се изврши в периодот од 09:30 до 13:30 часот,а ќе бидат...
spot_img