Пејачката Александра Пријовиќ своевремено јавно проговори за семејните односи и своето потекло, откако во медиумите се појавија бројни изјави на нејзиниот дедо кои предизвикаа големо внимание во јавноста.
Александра тогаш јасно и без воздржување зборуваше за своите корени, истакнувајќи дека не се срами од своето потекло.
– Мојот дедо е Ром, а баба ми не е. Филип и Брена го знаат тоа и не им пречи. Гордa сум на своето потекло и мислам дека не би пеела вака доколку ја немав таа крв, – изјави пејачката.
Како што нагласи, нејзиниот дедо во јавноста изнесувал тврдења кои, според неа, не се точни и кои длабоко ја повредиле неа и нејзиното семејство.
– Дедо ми зборува глупости дека убил двајца луѓе. Точно е дека бил седум години во затвор, но не поради убиство. Раскажува и дека јас му ги плаќам долговите, а тој нема никакви долгови. Дури изјави и дека е музичар, а човекот никогаш ништо нема отсвирено, – раскажа Александра.
Особено ја погодила нејзиниот татко изјавата дека тој ја напуштил како бебе, што таа решително го демантираше.
– Татко ми беше многу повреден кога дедо ми рече дека ме напуштил како бебе. Тоа не е вистина. Моите родители се разведоа кога имав три години, но јас редовно се гледам со татко ми, – нагласи пејачката.
Александра искрено зборуваше и за своето образование.
– Единственото што е точно е дека не завршив средно образование, но планирам да го завршам вонредно, – призна таа.
На крајот, пејачката ги објасни и причините поради кои, како што тврди, нејзиниот дедо често дава противречни и неповрзани изјави.
– Мојот дедо зборува неповрзано – денес ќе каже едно, а утре не знае што рекол. Човекот има повеќе од 70 години, му ја ампутираа едната нога, а другата ја зафаќа гангрена. И покрај тоа што му ја отсекоа ногата, тој и понатаму пие, – заклучи Александра.
