Одличниот Мартин Поповски и неговиот тим Амичитија Цирих преку драматичен натпревар против Сухр Арау се изборија за мајсторка, петти решавачки дуел во четврфиналето на плејофот во Швајцарија.
Цирих по еден вистински трилер со дополнителни минути се избори за конечна победа на ова гостување со 39:36 и сега ќе има можност пред своите гледачи на 17 април да дојде до билет полуфиналето кое носи битка со брнаителот на пехарот Кадетен Шафхаузен.
Штипскиот и македонски интернационалец Поповски одново беше на највисоко ниво, постигнуваше погодоци во многу клучни моменти и на крајот заврши како прв стрелец во победничкиот тим (заедно со Смитс) со осум реализации од девет обиди.
Дали одличните игри во последно време ќе го замислат селекторот Лазаров за кам-бек на Мартин во репрезентацијата останува да видиме…
