Во текот на вчерашниот ден, фудбалскиот клуб Брегалница на прес конференција го официјализира новиот сопственик од Р.Турција г-дин Муран Шамил Шен. Тој ќе поседува 85% од акциите на клубот и ќе ги има сите ингеренции за функционирањето на клубот и клубската инфраструктура. На пресот беше најавен и новиот тренер, штипјанецот Влатко Костов.
На прес-конференцијата говореше градоначалникот на општина Штип, г-дин Иван Јорданов, кој со гордост најави дека годинава дресот на штипскиот второлигаш ќе го носат многу штипски фудбалери, кои во минатото настапувале во сино-белиот дрес. Исто така, Јорданов најави дека услов за продажбата на клубот бил ФК Брегалница да се наптреварува во најсилните 2 лиги во Македонското провенство.
Од свои извори, vostip.mk дознава дека дел од ростерот се: Стефан Коцев, Стефан Костов, Мартин Димоски, Дарко Алексовски, Горан Силјановски, Дарко Карчески, Филип Гачевски, Бобан Георгиев, Анџело Николовски, Дино Михолов…
