Tinder е една од најпопуларните апликации за запознавање, но новата функција што ја тестираат ги подели мислењата на корисниците.
Tinder тестира функција што ќе им овозможи на корисниците што плаќаат да ги додадат своите преференции за висина на својот профил.
Откако корисник на Reddit објави фотографија од новата функција во апликацијата, портпарол на Tinder потврди за TechCrunch дека функцијата навистина се воведува како глобален тест.
Корисниците на Tinder Gold и Premium кои се дел од тест групата ќе имаат пристап до оваа опција, додека корисниците на бесплатните платформи нема да имаат. Исто така, оваа преференција ќе биде „само насока“ – што значи дека нема да блокира или исклучува профили, туку ќе влијае само на препораките.
Додека повеќето апликации за запознавање обично ви дозволуваат да филтрирате според по традиционални критериуми, како што се возраста, желбата за сериозна врска или деца, опцијата за висина веројатно ќе предизвика повеќе контроверзии и дискусии.
Од појавата на онлајн запознавање, физичките карактеристики како што се изгледот или градбата на некого станаа клучен фактор во одредувањето со кого „се совпаѓате“.
Tinder дополнително го забрза овој тренд со својот кориснички интерфејс кој става силен фокус на фотографиите, па корисниците често брзо реагираат на сликите со лизгање налево или надесно за да изразат (не)интерес.
