Легендарната актерка Лидија Вукиќевиќ уште еднаш докажа зошто важи за една од најнегуваните жени на Балканот. Иако е во седмата деценија од животот, на нејзиниот изглед можат да ѝ позавидат и двојно помлади колешки.
За Лидија многумина велат дека е „замрзната во времето“, бидејќи со децении наназад таа изгледа речиси идентично како на почетокот на кариерата. Таа не е само симбол за успешна актерка, туку и за жена која знае како да се грижи за себе.
Совршена фигура во обичен тексaс
Овојпат, Лидија покажа дека не ѝ се потребни бикини или разголена кожа за да го привлече вниманието. Таа објави фотографија на која позира во едноставна кожна јакна и тесни фармерки, кои ја истакнаа нејзината беспрекорна и витка фигура.
„За лето, лесен тексас“, напиша кусо актерката во описот на фотографијата на Инстаграм.
Лавина од коментари
Објавата веднаш собра илјадници лајкови и мноштво коментари од воодушевени следбеници. Мажите не штедеа комплименти на сметка на нејзиниот изглед, признавајќи ѝ дека изгледа фантастично и дека нејзината енергија е инспирација за многумина.
