Истражувањата покажуваат дека површините во домот го носат „микробиомскиот отпечаток“ на неговите жители, микробите од нашите раце се пренесуваат на предметите и обратно. Ако редовно не ги чистиме овие мали, но често користени површини, бактериите се пренесуваат со неверојатна леснотија.
Домот може да изгледа беспрекорно, подот да сјае, полици да се средиени, а кујната да мириса на свежо и чисто. Но, под таа привидна чистота често се кријат милиони невидливи бактерии, кои секојдневно доаѓаат во контакт со нашите раце, храната и предметите што ги користиме.
Научниците предупредуваат дека токму овие „незабележливи“ места можат да бидат жариште на инфекции и непријатни мириси, па затоа заслужуваат посебно внимание.
Далечински управувач – најситниот, а највалкан предмет во домот
Иако изгледа безопасно, далечинскиот управувач е еден од најконтаминираните предмети што секојдневно ги допираме.
Истражување на Универзитетот во Аризона покажало дека токму управувачите во болничките соби имале повеќе бактерии од која било друга површина, дури и повеќе од WC-шолјата.
Според анализата објавена на HealthDigest, на еден далечински управувач можат да се најдат и до 20 пати повеќе бактерии отколку на тоалетна школка.
Причината е едноставна додека гледаме телевизија, често јадеме, ги префрламе каналите или одмараме, без претходно да ги измиеме рацете.
Бактериите се задржуваат меѓу тастерите, каде што ретко се чисти.
Совет: Избришете го далечинскиот барем еднаш неделно со мека крпа натопена во изопропил алкохол или со благо дезинфекциско средство, посветувајќи внимание на тастерите.
Кваките на вратите – секојдневен преносник на микроби
Колку пати дневно допираме квакa, а без да ги измиеме рацете? Повеќе отколку што мислиме. Кваките се постојано во контакт со повеќе луѓе, што ги прави една од највалканите површини во секој дом.
Истражување објавено во „International Journal of Current Microbiology and Applied Sciences“ покажува дека над 90% од кваките на јавни простории содржат потенцијално патогени бактерии.
Научниците потсетуваат дека бактериите се задржуваат на металните површини со часови, а во топла и влажна средина можат и да се размножуваат.
Совет: Сите кваки во домот бришете ги најмалку еднаш неделно со крпа од микровлакна и антибактериско средство. Особено е важно во период на настинки и грип, кога ризикот од пренос на вируси е најголем.
Канта за ѓубре – скриен извор на зараза
Без разлика колку често ја празниме, кантата за ѓубре е постојан извор на бактерии и непријатни мириси. Остатоци од храна, течности и маснотии кои се слеваат низ рабовите создаваат идеално место за развој на микроби и мувла.
Експертите од Scientific American предупредуваат дека во топлите месеци бактериите во кантите за отпад се размножуваат дури и до десет пати побрзо, што дополнително ја зголемува концентрацијата на непријатен мирис и потенцијални патогени.
Совет: Испразнете ја и измијте ја кантата барем еднаш неделно со средство за дезинфекција, внимавајќи да ги исчистите и рабовите и подлогата каде што се собираат остатоците.
