Општина Штип и УГД заедно во „Генералка Викенд 2026“ – голема еко акција за почиста иднина
Општина Штип и Универзитетот „Гоце Делчев“ се приклучуваат на најголемата еколошка волонтерска акција во државата – ГЕНЕРАЛКА ВИКЕНД 2026, која ќе се реализира на 9 мај 2026 година (сабота), со почеток во 10:00 часот.
Во рамки на акцијата во Општина Штип ќе се чисти на локација во близина на Мирјанина црква и патот кон Шашаварлија со почеток во 10.00 часот, како и на повеќе локации во градот и универзитетските кампуси.
📍 Локации во УГД Штип: Кампус 2 – УГД Штип и Кампус на Економски факултет – УГД Штип
Во акцијата ќе бидат вклучени припадници на АРМ, вработени во МВР, јавните претпријатија и локалната самоуправа, приватни општествено одговорни компании, велосипедисти, извидници, како и голем број граѓани, студенти и волонтери.
Во основните и средните училишта, како и на Земјоделскиот и други факултети при УГД, активностите ќе се реализираат во рамки на училишните и факултетските дворови, каде учениците, студентите, наставниците и професорите заедно ќе учествуваат во акцијата.
Ги повикуваме сите граѓани, студентите, професорите и целиот академски кадар да се приклучат на оваа значајна иницијатива и заедно да испратиме силна порака за општествена одговорност, грижа за животната средина и активизам кај младите.
