Штип и штипјани синоќа оддадоа почит кон својот сограѓанин Александар Коларов – Цеата, басист на групата ДНК, кој загина во трагичната несреќа во Кочани, на 16.март годинава.
На џем сесијата учествуваа многу штипски музичари, пријатели на Цеата, а свирката се одржа во штипскиот Дом на млади – местото во кое Цеата ги направи првите музички чекори и отсвири безброј свирки и концерти.
На свирката настапи и Горан Тонев, колега на Цеата од ДНК, кој емотивно се обрати до својот сакан колега и му порача дека никогаш нема да биде заборавен.
