Оваа недела, на 18.05.2025 со почеток од 10:00 часот во Штип ќе се одржи второто издание на детската трка “Децата под Исарот” во организација на “Fit Gym Kiko”.
Рута на трчање ќе биде од гимназијата Славчо Стојменски до мостот на реката Отиња кај градската црква Свети Никола. Дечињата ќе се натпреваруваат во повеќе категории од 4 до 14 години. Стартот на трката ќе биде одделен. Во одделни групи ќе трчаат момчињата и девојчињата. Награди ќе добијат трите првопласирани момчиња и девојчиња во секоја возрасна категорија.
Детската трка ќе биде од хуманитарен карактер и сите средства ќе бидат донирани.
На трката се пријавени повеќе од 700 дечиња учесници.
