Започна промоцијата на новиот, двоен албум „Навикни на промени“ од Коки Јанков, кој содржи вкупно 20 песни. Албумот носи современ поп звук со емотивна приказна, спакувана во внимателно продуцирани аранжмани.
– Концептот на промоцијата е секој понеделник да бидат објавувани по две нови песни, проследени со видео записи, со цел континуирано да се одржува интересот кај публиката и медиумите. Сите песни се снимани, миксани и аранжирани во студиото на Темелко Андреев во Велес, информираат од тимот на Коки.
Денеска ги претставуваат првите две песни, „Навикни на промени“, за кои музиката и текстот се н Венко Серафимов, а аранжманот е дело на Темелко Андреев и „Залудно е да се напијам“ за која Драган Брајовиќ ги напиша музиката и текстот, а аранжманот е повторно на Темелко Андреев.
