9 C
Shtip
spot_img

Уставниот суд поведе постапка за Методологијата за Пописот 2021

Уставниот суд со мнозинство гласови одлучи да поведе постапка за оспорените одредби од Методологијата за подготовка, организирање и спроведување на пописот на населението, домаќинствата и становите во Република Северна Македонија, 2021 година.

Како што соопштија од Судот, мнозинството судии оспорените одредби ги стави под сомнеж за нивната законитост а преку тоа и нивната уставност, бидејќи основано се појави сомнеж дали директорот на Државниот завод за статистика имал законски основ за донесување на оспорените одредби односно дали ги пречекорил своите овластувања и без законски основ во подзаконски акт уредувал (materia legis) законска материја.

Доколку во втората фаза, како што велат од Судот, се потврди сомнежот тоа би значело повреда на правната сигурност како фундаментален принцип на владеењето на правото и повреда на начелото на поделба на власта, бидејќи се ставил во улога на законодавец.

Подносителот на иницијативата Скендер Реџепи смета дека содржината на Методологијата има категории на населението за кои ќе се обезбедат податоци со пописот, односно категорија „вкупно резидентно население” и „вкупо нерезидентно население”, што не се предвидени во членот 6 став 1 алинеја 1, или пак со член 17 став 2 алинеја 1  од Законот за попис на населението не е предвидено директорот на Заводот за статистика да предвидува посебни категории.

Според подносителот со оспорените одредби се повредува владеењето на правото како темелна вредност на уставниот поредок и се создава правна несигурност.

Дополнително, подносителот во иницијативата наведува дека е повредена еднаквоста на граѓаните како уставно загарантирана со членот 9, бидејќи само поради фактот дека некој граѓанин не се наоѓа во државата додека се вршел Пописот, му се скратуваат одредени права, меѓу кои и правото на вработување.

━ повеќе содржини

Андреј од ДНК загина во пожарот во дискотеката во Кочани

Андреј Ѓорѓиески од групата ДНК е еден од загинатите во пожарот во дискотеката во Кочани, кој избувна утринава пред 3 часот. Тој, според нашите...

Трагедија во Кочани: Пожар во дискотека однесе 59 животи, меѓу нив и младиот фотограф Александар Ефремов

Во трагичниот пожар што се случи во дискотеката „Пулс“ во Кочани, животот го загубија 59 лица, а над 100 се повредени.  Меѓу загинатите е...

Српска инфлуенсерка Тамара Калиниќ го привлече вниманието на ревијата на Валентино во Париз

Тамара Калиниќ е една од најпознатите модни инфлуенсерки во регионот, чии модни избори секогаш се следат со голем интерес. Оваа српска блогерка со постојана адреса...

„Сезонските работници од Македонија се жалат: Под 1.300 евра не работиме“

Сезонските работници од Македонија бараат повеќе од 1.300 евра во Хрватска Како што се приближува летната сезона, Хрватска повторно станува главна дестинација за сезонска работа,...

Одбоојкарско дерби на програмата денес

Во Скопје, во нас.Кисела Вода денес се игра одбојкарско дерби помеѓу лидерот на табелата ОК Штип УГД и ОК Работнички од Скопје. Натпреварот е...
spot_img