18.8 C
Shtip
spot_img

„Систерс оф мерси“, „Инер серкл“, „Соулфлај“ се само дел од звучните имиња на годинешниов „The Festival“ во Штип

Британските дарк-рок пионери „Систерс оф мерси“ (фото), реге легендите „Инер серкл“ и Макс Кавалера со својот бенд „Соулфлај“ се најавени како главните ѕвезди на новата верзија на Д фестивал (The Festival), кој оваа година првпат ќе се одржи во Штип, на тамошниот стадион од 4 до 6 јули. Организаторот „Пасворд продукција“ објави дека за посетителите ќе има организиран превоз, а музичката програма ќе може да се следи бесплатно, освен што ќе има хуманитарен билет наменет за настраданите во Кочани.

„Поради трагедијата во Кочани, организацијата и најавата на фестивалот ги пролонгиравме за извесно време. Од истите причини, годинава во Штип нема да има камп на фестивалот, а концертите ќе се одржуваат покрај реката Брегалница, каде што се наоѓа и градскиот стадион. Во еко-парковите покрај реката под тврдината Исар се планираат идните фестивалски кампови. Со оваа промена на локацијата сакаме да одиме чекор напред“, вели првиот човек на „Пасворд“, Логин Кочишки.

Годинава Д Фестивал ќе се одржува како хуманитарен фестивал, целосно ќе биде посветен кон поддршка на иницијативата Support Kocani, сето ова се организира со нивна соработка. Влезот за посетителите годинава ќе биде бесплатен, тоа е клучен момент, но ќе постои тн. хуманитарен билет, којшто веќе од денеска ќе биде достапен за продажба онлајн, а сите средства од овие билети целосно ќе бидат наменети за иницијативата Support Kocani.
Музичките настани ќе се одвиваат на две бини, Главна и Москито, на кои ќе настапат повеќе од 40 бендови и музичари.

На прес-конференцијата беше кажано дека најголемиот дел од програмата ќе го сочинуваат домашните артисти, што ги вклучува „Архангел“, Кирил Џајковски, „Фолтин“, „Љубојна“, „Паркети“, Пијан Славеј, „Мизар“ и Дина Јашари, од соседството доаѓаат „Буч Кесиди“ и „С.А.Р.С.“, а меѓу учесниците е и третопласираниот на годинашната Евровизија, Томи Кеш од Естонија. Организаторите велат дека листата на изведувачи ќе се дополнува во следниот период.

Градоначалникот Иван Јорданов е благодарен што продукцијата го одбрала Штип за нов домаќин и рече дека како Општина ќе сторат сѐ градот да биде гостопримлив.
„Оваа фестивалска манифестација е од заемен интерес и за градот и за илјадниците посетители кои не треба да се грижат за сместување затоа што Штип како студентски град има голем број сместувачки капацитети“, кажа тој.
Д фестивал се одржуваше во Дојран 14 години, но по ланското издание беше донесена одлука за промена на локацијата.

━ повеќе содржини

“Танцот инспирира и создава пријателства” – Штип по петти пат домаќин на натпревар по модерни танци

Штип по петти пат ќе биде домаќин на интернационалниот натпревар по модерни танци „Dance Cup Štip“, кој ќе се одржи викендов во Домот на...

Off Road Club Штип организира настан во чест на Тони – Папата

Да покажеме дека вистинските луѓе не се забораваат – тие се носат со себе. Драги пријатели и колеги, Ве покануваме да ни се придружите на посебен...

Yugo ќе има 4-цилиндарски мотор и цена под 20.000 евра

По децении отсутност од сцената, легендарниот автомобил „Yugo“ се враќа – и тоа во голем стил. Плановите за новата генерација на овој култен модел...

Фифти Сент „исплашен“ од Диди

Поранешната асистентка и соработничка на Диди – Каприкорн Кларк, инаку и поранешна директорка на неговата компанија „Бед бој ентертејнмент“ (Bad Boy Entertainment), сведочеше на...

НЕМА ДА ИМА РОД! Малинарите предупредуваат за минималната цена која треба да изнесува годинава

Имајќи предвид дека овогодинешниот род на малина во Србија ќе биде многу помал од ланскиот, а понудата е помала и во другите земји кои...
spot_img