Легендарниот рок бенд Ди Ролинг Стоунс официјално го промовираше својот 25-ти студиски албум со наслов Foreign Tongues, кој ќе биде објавен на 10 јули.
Новото музичко издание содржи 14 песни, а неговото објавување се совпаѓа со 64-годишнината од формирањето на бендот, кој важи за еден од највлијателните и најдолговечните состави во историјата на рок музиката.
Албумот беше претставен на специјален настан во Њујорк, каде членовите Мик Џегер, Кит Ричардс и Рони Вуд прошетаа на црвениот тепих и разговараа со познатиот водител Conan O’Brien.
Првиот сингл од албумот, In the Stars, веќе е објавен дигитално, а големо внимание привлече и песната Rough and Twisted, која критичарите ја опишуваат како моќна блуз-рок композиција со препознатливиот звук на бендот од 70-тите години.
Насловната фотографија за албумот е дело на уметникот Нејтаниел Мери Квин и претставува необична комбинација од лицата на членовите на бендот во еден уметнички портрет.
На албумот гостуваат и големи музички имиња како Паул М Картни, Стив Винвуд, Роберт Смит и Чед Смит.
Ова е втор студиски албум на бендот по смртта на легендарниот тапанар Чарли Ватс во 2021 година. И покрај годините, членовите на бендот порачаа дека сè уште имаат неискористен материјал и дека не размислуваат за крај на музичката кариера.
