Тројца крадци го ограбија домот на Бред Пит во Лос Анџелес. Тие провалија низ предниот прозорец на куќа во населбата Лос Фелиз во неделата и ја „ограбија“, соопшти полицијата во Лос Анџелес.
Полицијата не потврди дека куќата му припаѓа на актерот, но адресата се совпаѓа со куќа што Пит ја купил во 2023 година.
Властите соопштија дека осомничените избегале со украдените предмети, иако не беше кажано што се зеле.
Актерот не бил дома во времето на грабежот, објавија американските медиуми.
Пит беше во Велика Британија претходно оваа недела за лондонската премиера на неговиот нов филм – Ф1.
Тој беше придружуван од актерот Том Круз и Луис Хамилтон, кој освои седум шампионати во Формула 1.
Властите соопштија дека грабежот се случил околу 23:30 часот по локално време во средата.
Полицијата не ја соопшти вредноста на украдените предмети.
Би-Би-Си контактираше со претставниците на актерот.
Куќата со три спални соби се наоѓа веднаш до паркот Грифит, каде што се наоѓа познатиот знак Холивуд.
Опкружена е со огромна ограда и зеленило што ја крие од погледот на минувачите.
Претходно, беа ограбени домовите на други познати жители на Лос Анџелес, вклучувајќи ги Никол Кидман и Кит Урбан.
Минатиот месец, еден маж беше уапсен под обвинение за следење и вандализам откако наводно со својот автомобил удрил во портата на домот на поранешната сопруга на Бред Пит – Џенифер Анистон.
