Официјално почнаа активностите за реконструкцијата на кровот на СОУ Гимназија Славчо Стојменски во Штип. Работите се одвиваат во дворот на гимназијата, каде е обезбедено соодветно сообраќајно решение за достава на градежниот материјал. Градоначалникот Иван Јорданов, рече дека паралелно се работи и на реконструкција на училишната спортска сала во ОУ Тошо Арсов, каде што градежните активности се во полн ек. Како што информираше тој, во текот на оваа недела се очекува да биде распишан и тендер за санација и на спортската сала во ОУ Димитар Влахов.
,,Се работи на промена на кровот во централното градско подрачје. Имајки во предвид дека сообраќајот е доста фрекфентен, овде е предвидено да се работи во дворот на гимназијата Славчо Стојменски, но и со соодветно сообраќајно решение да се врши достава на материјалот во однос на изградбата на кровот. Она на кое што се работи во моментот е реконструкција на училишната спортска сала во ОУ Тошо Арсов, таму веќе се започнати активностите. Паралелно се очекува во текот на оваа недела да се распише тендер за реконструкција на училишната спортска сала во ОУ Димитар Влахов. Се работи и во дворот на ОУ Тошо Арсов.“, рече Јорданов
Директорката на гимназијата Весна Ристова, истакна дека оваа инвестицијата е голема, па остана благодарна на МОН и локалната самоуправа за тоа што ова училишта стана едно од приоритетните во државата.
,,Денес започна официјално реконструкциајта на кровот на гимназијата и на спортската сала. Тоа претставува една голема инвестиција, благодарение на разбирањетѕо на МОН и локалната самоуправа, кои што нашето училиште го ставија во приоритетните училишта на Македеонија и препознаа дека на ова училиште е потребно да се реконструира кровот. Динамиката ќе почнува во раните утрински часови, согласно временските прилики.“, рече Ристова.
Инаку, Јорданов дополнително информираше дека сите овие инвестиции се во планот на Општина Штип и на ресорното министерство за образование. Oстанува дециден дека училишниот распуст ќе биде право време за да се обноват и реконструираат училиштата.
