“Вечерва имав чест да се обратам на трибина организирана од ВМРО-ДПМНЕ, на тема „Наследството на Гоце Делчев низ политичката призма за Македонија“, каде како градоначалник на Општина Штип зборував за делото и аманетот што Делчев го остави на сегашните и идните генерации.
Истакнав дека неговата улога и значење и денес се длабоко вкоренети меѓу граѓаните на Штип, особено ако се земе предвид неговата мисија токму на овие простори. За тоа сведочат бројните песни, сеќавања, но и институции и организации кои и денес гордо го носат неговото име.
Нашата обврска како институции не е само формално да го одбележуваме, туку вистински да го доближиме неговото дело до младите. Без разлика на времето што поминало, делото на Делчев останува темел врз кој се гради нашата државност и општествена свест.
Како локална самоуправа, остануваме посветени на оваа мисија – преку образовните и културните институции да го приближиме ликот и делото на Делчев до младите генерации, поттикнувајќи ги да создаваат, да учат и да придонесуваат за заедницата во која живеат.” – напиша на социјалните мрежи градоначалникот на општина Штип Иван Јорданов.
